„მეუბნება, მეტი საქმე არ მაქვს ვიღაცას ჩავბანოო...“ - ნუცა შანშიაშვილის ნაამბობმა აზრთა სხვადასხვაობა გამოიწვია

დიდხნიანი პაუზის შემდეგ ნუცა შანშიაშვილი სოციალურ ქსელში „იუთუბის“ არხით დაბრუნდა, სადაც იმ ემიგრანტებზე ისაუბრა, რომლებიც საზღვარგარეთ მოხუცებს უვლიან:

„ხშირად შემთხვევია შემთხვევა ცხოვრებაში რაც პროფესიას და სამსახურს ეხება, ამასწინათაც შემხვდა ნიუ-იორკში ჩამოსული ახალგაზრდა გოგო, გამომესაუბრა და ვკითხე უნდა დარჩე-მეთქი? არაო, აქო ჩემი ტოლებიო მუშაობენო, ზოგი ბარშიო,

ზოგი მოხუცს უვლისო და მე არ შემიძლიაო, უნდა ვისწავლო და მერე დავბრუნდეო, მე ამისთვის არ ვარ შექმნილიო. მივხვდი, რომ ურთიერთობა შეიძლება დაძაბულიყო, მეუბნება მეტი საქმე არ მაქვს ვიღაცას ჩავბანოო.

ამაზე საერთოდ გამოვშტერდი, ვუთხარი ღმერთმა ნუ ქნას გაგიჭირდეს, ცხოვრება ისეთი დაუნდობელია ყველაზე ძალიან რაც არ მოგწონს და აკრიტიკებ იქ გარტყავს -მეთქი. მქონია შემთხვევა, მოსკოვში დავხმავებივარ ადამიანს, ეს არის უდიდესი ჰუმანურობა, ეს ყველაზე დიდი ფუფუნებაა, როცა ადამიანს ეხმარები“, - ამბობს ნუცა შანშიაშვილი.