ძალადობის მსხვერპლი 7 წლის ბიჭის ბებიის პირველი კომენტარი - ბავშვის მამა და მამის დედა ემიგრაციიდან აპირებენ დაბრუნენას...

7 წლის ბავშვზე ძალადობის ბრალდებით დაკავებული დედა და ბებია ბრალის წარდგენის მოლოდინში არიან. სოფელში სადაც ეს ფაქტი მოხდა, მეზობლებმა ნახეს, თუ როგორ დაადეს სახლის ეზოში ხელბორკილები სამართალდამცველებმა შუახნის ასაკის დედას და პენსიონერ ბებიას.

დაზარალებული ბავშვის დედა ერთ-ერთი საბავშვო ბაღში (კერძოდ, მომარაგებაში) მუშაობდა, ხოლო ბებია პენსიონერია. მეზობლები ამბობენ,რომ მოზარდი ამჟამად მამის ოჯახში იმყოფება, ხოლო მამა და მამის დედა ემიგრაციიდან აპირებენ დაბრუნენას.

„ადამიანი რომელიც ძალადობს საკუთარ შვილზე ეს არაფრით არ გამართლდება, ეს ბავშვი ჩემი შვილიშვილია . მთელი სოფელი იყო როგორც ერთი ოჯახი, ახლა რა შეიცვალა? ნუთუ ერთი ციცქნა ბავშვი რომ იტანჯებოდა ის აქამდე ვერ უნდა გვენახა. მართალია იტყვით თქვენ სად იყავითო? ჩვენ შორს ვიყავით, როდესაც დავურეკავდი, აგრესიულები იყვნენ, ამიტომ თავს ვარიდებდით. მამას კი არ უნდოდა კონფლიქტი. ბავშვის ნახვა სულ ენატრებოდა. ახლა ჩვენ გვერდით ვიქნებით, ყველაფერს გავაკეთებ ბავშვის ბედნიერებისთვის. იმედია, აწი მაინც დაგვიდგებით მხარში, მე არაფერი არ მინდა, არაფერს ვითხოვ, მხოლოდ დავიცვათ ბავშვი ერთად, ვიხსნათ ერთი ანგელოზი ძალადობისგან,“ - დაწერა კომენტარის სახით სოციალურ ქსელში ერთ-ერთ "პოსტზე" ბავშვის (მამის მხრიდან) ბებიამ.

მეგა ტვ